دارمیات عرس
یا مرحبا بلضیف یا محلا الاحــباب
گلبی انتشع وارتاح من دگوا الباب
***
یا مرحبا بلجای مرحب بلحبــــاب
گلبی افتره هلیوم من کل مرض طاب
***
یا مرحبا یخوان ضویتوا البیت
اهلا و سهلا بیک یلّی تعنیت
***
من بعد متعنین طریتوا لیــــنه
زال الضلام ابلیل من دث حچینه
***
اهلا صباح الخیر دائم ولیهـــــــه
هل گعده ما تنسام ابعمری اشتریهه
***
الدله و الفنجان والقوری یمــهه
اطلب یبعد الروح واکتم حلمهه
***
ما ادری بیک اتخون ما ادری صاحب
نوبه تگول اوداع نوبه تراحـــــب
***
ابعد او خلنی ارتاح زدت ابونینی
دگ المبایل دوم یکثر سحینـی
***
کف العشگ یفلان والزم طریجـک
دربک عسر مشهود مانی رفیجک
***
انشد او کلم الناس شنهی السبب جیت
فرحانه هل شبّان و اتغنی بلبیــــت
***
اسمع هلی ایگولون مرحب یمن جیت
واحبابه مجتمعین و اتغنی بلبیــت
***
دگ گلبی او بردان زود له بلچای
ناطر حبیب الروح تانیته ما جای
***
طک الضوا بلدار یمکن اجه اهواک
لا تحتصر یفلان باوعله هلجـاک
***
گلبی انخطف واحتار شاف الملابس
تتلامع اویه النور بیده المحابــس
***
حگگ اذا ونّیت طرگاعه اجتــک
شمس الضحی و اتلوج لو باوعتلک
***
اتقدّم او انشد زین هللیله لیله
لیلة عرس وافراح و المع الچیله
***
هلیله طیب او خیر ماکو مثلهه
جانه الفرح بلوان غیر شکلهه
***
استعد واهتم زین و احسن کلامک
جر الورق لیفوق و اعلن ختامـک
***
مستعد للاشعار یا یابه عونــک
اقرا القصید ابطور فدوه لعیونک
***
جاسم ثعلبی (حسّانی) 24/03/1392
:: برچسب‌ها:
دارمیات عرس ,
:: بازدید از این مطلب : 2583
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
